Útboð á nýrri Tjónaskrá fyrir NTÍ

Náttúrhamfaratrygging Íslands (NTÍ) þurfti að uppfæra tjónakerfi sitt árið 2021 og fékk Peritus sér til liðs við að finna nýtt kerfi. Farið var í að greina ferla þáverandi kerfis sem og innri ferla stofnunarinnar til að geta betur séð hvaða gerð af lausn myndi henta. Ítarleg þarfagreining var gerð með sjálfvirkni og samþættingu í huga.

Framkvæmd

• Greining ferla
• Þarfagreining
• Tæknilýsing
• Markaðskönnun
• Útboðsferli
• Val tilboða

Til að greina hvort það væri tilbúin lausn á markaðinum var haldin markaðskynning þar sem farið var yfir þarfagreiningu og drög að tæknilýsingu.

Í framhaldi af markaðskynningu var ákveðið að óska eftir tilbúinni tæknilausn sem skyldi byggð á besta hlutfalli gæða og verðs.

Við tók smíði á lokaútgáfu tæknilýsingar og útboðsgagna til að tryggja að NTÍ fengi bestu lausnina sem uppfyllti kröfur og gæði. Með ítarlegri tæknilýsingu sem hluti útboðsgagna er hægt að koma í veg fyrir aukakostnað við innleiðingu eða rekstur lausnarinnar í framtíðinni. Reynslan sýnir að vel útfærð tæknilýsing í útboðsgögnum leiðir til þess að kaupandi fær betri lausn í samræmi við sínar þarfir.

Þannig er hægt er að byggja fyrirsjáanleika inn í útboð á tæknilegum kerfum.